"Манчестер Сити" бош мураббийи Хосеп Гвардиола жамоа билан 2025 йилгача мўлжалланган янги шартномага унчалик аҳамият бермаётганини ва муддати тугагунча уни тарк этиши мумкинлигини тан олди.
"Бирор нарса нотўғри кетаётганини ҳис қилсам, истеъфога чиқаман ёки шартномамни узайтирмайман. Мен Алекс Фергюсон ёки Арсен Венгер каби қолмайман. Шартнома шунчаки қоғоз парчаси. Мен клуб билан шартномани узайтирдим, чунки мен раҳбарлигимда жамоа ҳали ҳам муваффақиятга эриша олишини ҳис қиляпман. Якунда барчаси натижаларга боғлиқ. Агар бир-биримиздан чарчасак, шартномам тугагунига қадар қолмайман", - деди Гвардиола Goal билан суҳбатда.
Гвардиола 2016 йилнинг ёзида "Манчестер Сити"ни бошқаришни бошлаган эди. Унинг қўл остида жамоа 11 та совринни қўлга киритди.
