Журналист Бруно Андраденинг хабар беришича, "Челси" "Бенфика" ярим ҳимоячиси Энцо Фернандеснинг трансфери бўйича музокараларни давом эттирмоқда.
Лондон клуби трансфер суммасининг чорак қисмини олдиндан, қолганини икки ёки уч бўлиб тўламоқчи. Шунга қарамай, "Бенфика" барча суммани дарҳол олишни талаб қилмоқда.
"Манчестер Юнайтед" ҳам музокараларни диққат билан кузатиб бормоқда, бироқ ҳозирча ҳеч қандай ҳаракат қилмади. Фернандеснинг ўзи "Челси"га ўтиш истаги ҳақида гапирган ва Лондон клуби билан шахсий шартномани келишиб олган.