«Интер» ҳимоячи Милан Шкриньяр билан шартномани узайтириш бўйича музокараларни кечиктиришга қарор қилди.

Tuttosport хабарига кўра, «нерадзуррилар» 18 январь куни бўлиб ўтадиган Италия Суперкубоги учун ўйиндан сўнг Шкриньяр ва унинг вакиллари билан мулоқотга киришади. Кубок учун «Интер» ва «Милан» жамоалари кураш олиб боради.

Милан Шкриньярнинг «Интер» билан амалдаги шартномаси 2022/2023 йилги мавсум охиригача амал қилади. «Нерадзуррилар» 27 ёшли словакияликни ўз сафида сақлаб қолмоқчи. Шкриньярга бир вақтнинг ўзида бир нечта Европа гигантлари, жумладан «ПСЖ» ҳам қизиқиш билдирган.

Эслатиб ўтамиз, трансфермаркт портали Милан Шкриньярни 60 миллион еврога баҳоламоқда.