Франкфуртнинг “Айнтрахт” клуби ярим ҳимоячи Даичи Камада ва ҳимоячи Эван Ндикага 2026 йилгача янги шартнома таклиф қилди, деб хабар беради Bild.
Шартномаларнинг аниқ тафсилотлари ошкор этилмади, бироқ маълум бўлишича, Камада ва Ндика жамоада дарвозабон Кевин Трапп ва ярим ҳимоячи Марио Гётцедан кейин энг кўп даромад олишлари мумкин - 2,5-3 миллион евро ва бонус пуллар.
26 ёшли япон ва 23 ёшли францияликнинг амалдаги келишувлари мавсум охирида ўз ниҳоясига етади. Ўтган ёзда Камада "Бенфика"га ўтишга яқин қолганди.