Frankfurtning “Ayntraxt” klubi yarim himoyachi Daichi Kamada va himoyachi Evan Ndikaga 2026 yilgacha yangi shartnoma taklif qildi, deb xabar beradi Bild.
Shartnomalarning aniq tafsilotlari oshkor etilmadi, biroq ma’lum bo‘lishicha, Kamada va Ndika jamoada darvozabon Kevin Trapp va yarim himoyachi Mario Gyotsedan keyin eng ko‘p daromad olishlari mumkin - 2,5-3 million yevro va bonus pullar.
26 yoshli yapon va 23 yoshli fransiyalikning amaldagi kelishuvlari mavsum oxirida o‘z nihoyasiga yetadi. O‘tgan yozda Kamada "Benfika"ga o‘tishga yaqin qolgandi.