Тони Крооснинг келажаги ноаниқлигича қолмоқда. 32 ёшли германиялик ярим ҳимоячининг "Реал" билан амалдаги шартномаси жорий мавсум охиригача ҳисобланган. "Қаймоқранглилар" устози Карло Анчелотти вазият ҳақида фикр билдирди.
"Футбол мухлиси сифатида Тони Кроос ёзда футболдан кетишини тасаввур қилишим қийин. У фаолиятини "Реал"да якунламоқчи эканлигини айтди, шунинг учун шартномани узайтиради деб ўйлайман", - деди Анчелотти журналистларга.
Тони Кроос 2014 йилнинг ёзида "Бавария"дан "Реал"га кўчиб ўтганди. Германиялик футболчи Мадрид клуби таркибида 384 та ўйинда 26 та гол ва 87 та голли узатмани амалга оширган.
