Маълумки, “Андижон” клуби “Мавсум-2023” учун тайёргарлигини 15 декабрдан бошлади ва илк йиғин 26 декабрга қадар давом этди.
Режага биноан жамоа янги йилдан кейинги тайёргарлигининг иккинчи босқичини 3 январдан Дукентда бошлайди. У ердаги йиғин 21 январга қадар давом этиши белгиланган.
Ушбу ўқув-машғулот йиғини мобайнида андижонликлар 4 та назорат учрашувини ўтказади. Бу хусусида тез орада маълумот берамиз.
Қолаверса, селекция ишлари ҳам фаол даражада олиб борилмоқда. Табиийки, Дукентдаги йиғинда таркибга янги ўйинчилар ҳам қўшилишади. Бу борада кейинроқ расмий маълумотлар берилади.
