Ҳужумчи Криштиану Роналду Саудия Арабистонига учиб борди ва у ерда бугун "Ан-Наср" футболчиси сифатида таништирилади. Матбуот хизмати португалияликнинг клуб вакиллари томонидан ўтказган учрашуви суратларини эълон қилди.
Олдинроқ 37 ёшли футболчининг тақдимоти 3 январь куни "Mrsool Park" стадионида бўлиб ўтиши маълум бўлганди. Тадбирда 30 мингга яқин томошабин иштирок этади.
2022 йилнинг декабрь ойи охирида ҳужумчи “Ан-Наср” билан икки йиллик шартнома имзолади. Роналдунинг сўнгги жамоаси "Манчестер Юнайтед" бўлиб, у журналист Пирс Морган билан шов-шувли интервьюдан сўнг уни тарк этганди.
