"Хоффенхайм" матбуот хизмати расмий сайтида даниялик ҳужумчи Каспер Дольбергнинг "Ницца"дан ўз сафига қўшиб олганини эълон қилди.
Немис клуби футболчини кейинроқ сотиб олиш ҳуқуқи билан 2023 йилнинг ёзига қадар ижарага олди.
25 ёшли Дольберг 2019 йилдан бери "Ницца"да ўйнаб келмоқда. Умуман олганда, у клуб учун барча мусобақаларда 85 та ўйинда майдонга тушиб, 24 та гол урди ва 7 та голли узатмани амалга оширди. Аввалроқ Дольберг “Силкеборг”, “Аякс” ва “Севилья” клубларида ўйнаган. У Дания терма жамоаси сафида 40та ўйин ўтказиб, 11та гол урган.













