Англия чемпионатининг ўн саккизинчи тури "Ливерпуль" билан ўйинда "Брентфорд"нинг ғалабаси билан бошланди. "Ливерпуль" ҳимоячиси Эндрю Робертсон бундай натижани жамоаси учун муаммоли деб ҳисобламоқда. Унинг таъкидлашича, клуб мухлисларига мағлубият сабаблари ҳақида тушунарли нарса айтиш қийин.
"Мухлислар бу ерга келишди, энди кетишяпти, уларга нима деймиз? Бу улар учун яхши эмас. Биз тез-тез барқарорлик ҳақида гапирамиз, лекин бизда бу йўқ. Олдинга бир қадам ташлаб, кейин уни орқага қайтамиз ва бу суръатда турнир жадвалининг юқори поғонасига қайтишнинг иложи йўқ", - деди Робертсон.