Ҳозирда Леверкузеннинг “Байер” клубида тўп тепаётган россиялик дарвозабон Андрей Лунев фаолиятини Англия Премьер-лигасида давом эттириши мумкин. Бу ҳақда агент Антон Смирнов РБ Спорт журналистига берган интервюсида айтиб ўтди.
"Спартак"? Биринчи марта эшитишим. Лекин "Брентфорд" томонидан қизиқиш бор", - дейди дарвозабон вакили.
31 ёшли дарвозабон 2021 йилнинг ёзида Санкт-Петербургнинг "Зенит" клубидан "Байер"га ўтган эди. Унинг "доричилар" билан тузилган меҳнат шартномаси жорий мавсум охиригача ҳисобланган. Тransfermarkt портали Луневнинг нархини 1,5 миллион еврога баҳоламоқда.
Бундеслиганинг жорий мавсумида Андрей бор йўғи битта ўйинда майдонга тушди.
