Дортмунднинг "Боруссия" клуби ҳужумчиси Юссуф Мукоконинг клуб билан бўлажак шартнома борасидаги талаблари маълум бўлди.
Sky Sports журналисти Свен Вестершулзе хабарига кўра, ҳужумчи немис клубидан янги меҳнат шартномасини имзолаш учун ўн миллион евро сўрамоқда. Қайд этилишича, Мукоко катта маош ҳам талаб қилади. Бу омиллар "Боруссия" раҳбарияти билан музокаралар жараёнини мураккаблаштириши мумкин.
18 ёшли футболчи жорий мавсумда барча мусобақаларда 22 та ўйинда майдонга тушиб, 6 та гол урди ва 6 та голли узатмани амалга оширди. Мукоконинг дортмундликлар билан шартномаси 2023 йилнинг ёзида якунига етади.
