"Динамо" жамоаси эртага, 5 январь кунидан янги мавсумга тайёргарлик доирасидаги иккинчи йиғинни бошлайди.
Бош мураббий Вадим Абрамов қўл остида пойтахтда ўтадиган ўқув-машғулот йиғини доирасида "Динамо" жамоаси бир қатор назорат ўйинларида иштирок этиши, янги ўйинчилар кўрикдан ўтказилиши режалаштирилган.
"2022 йилги мавсум якунларига кўра, «Динамо» билан шартномаси якунига етган аксарият ўйинчилар жамоани тарк этишди. Жумладан, Михайло Йованович, Милое Прекович, Евгений Чумак, Сайдулло Раҳматов, Иброҳим Йўлдошев, Ислом Шарипов, Ойбек Нурматов, Саҳоб Рашидов, Марат Бикмаев клуб билан хайрлашди.
«Динамо» ПФК ушбу футболчиларга жамоадаги фаолияти учун миннатдорчилик билдириб, кейинги фаолиятига омад тилаб қолади" - дейилади самарқандликлар расмий баёнотида.
