Мюнхеннинг "Бавария" клуби Роберт Левандовски жамоадан кетганидан сўнг марказий ҳужумчи позициясига ўйинчи қидирмоқда.
Мюнхенликлар узоқ вақтдан бери "Тоттенхэм" футболчиси Харри Кейн билан боғланиб келган. Бироқ, Бундеслига гранди бошқа номзодларга эътибор қаратди, дея хабар бермоқда SportBilld нашри.
Гап шундаки, "Бавария" Харри Кейннинг трансферини деярли имконсиз деб ҳисоблайди. Биринчидан, футболчилар камдан-кам ҳолларда Премьер-лиганинг топ-клубларидан Бундеслигага ўтади. Иккинчидан, Харри Кейн жуда қимматга тушади. Учинчидан, англиялик футболчининг ўзи ҳам "Тоттенхэм"ни совринлар сари етаклаш нияти ҳақида бир неча бор гапирган.
Натижада, "Бавария" 90 миллион еврога баҳоланган 29 ёшли Харри Кейннинг трансфер вариантидан воз кечишга қарор қилди.
