Сешанба оқшомида "Реал" Испания кубоги 1/16 финалида "Касереньо" жамоасини минимал ҳисобида мағлуб этди.
Ўйиндан сўнг мадридликлар бош мураббийи Карло Анчелотти ўз шогирдлари ўйнаши керак бўлган майдоннинг сифатсизлигига ишора қилди.
"Бундай майдонларда футбол ўйнаб бўлмайди. Менимча, бу футбол эмас, балки бошқа спорт тури эди. Бу қайсидир маънода кичик жамоаларга катта жамоалар билан рақобатлашишда ёрдам беради, бу эса мухлислар учун жуда яхши. Аммо мухлислар ҳам яхши ўйинлар кўришни хоҳлашади" - деди Анчелотти журналистларга.
Энди "Реал" Испания чемпионати доирасида "Вильярреал"га қарши сафар учрашувига тайёргарлик кўради.
