Эрик-Максим Шупо-Мотинг "Бавария" билан шартномасини узайтириш бўйича музокараларни бошлади.
Бугун Мюнхен клуби спорт директори Ҳасан Салиҳамиджич ва футболчининг агенти ҳисобланган отаси ўртасида илк учрашув бўлиб ўтди. Музокаралар яхши ўтди, аммо томонлар ҳалигача якуний қарор қабул қилишдан йироқ.
Камерунлик футболчи кейинги мавсумда захира футболчиси бўлишни истамаяпти.
Қишки трансфер ойнасида бир неча клублар, шулардан бири "Манчестер Юнайтед" ҳужумчини сотиб олишга қизиқиш билдирмоқда. Чоупо-Мотингнинг "Бавария" билан амалдаги шартномаси жорий мавсум охиригача амал қилади.
33 ёшли ҳужумчи жорий мавсумда Бундеслигада 10 та ўйинда майдонга тушиб, 6 та гол урди ва 2 та голли узатмани амалга оширди.
