Англия чемпионатининг ўн тўққизинчи турида «Саутгемптон» турнир жадвалининг пастки қисмидаги «Ноттингем Форест»га имкониятни бой берди.
«Ўрмончилар» учун бу мавсумдаги тўртинчи ғалаба бўлди, лекин сафардаги биринчи ғалаба сифатида қайд этилди. Жамоа бош мураббийи Стив Купер ушбу муваффақиятга бир сония ҳам шубҳа қилмаганини таъкидлади.
«Биринчи бўлимда биз хавфлироқ ўйнадик, ўйинни назорат қилдик ва бу менга ёқди. Йилнинг биринчи ғалабасини сафарда қўлга киритишни хоҳлардим. Лекин ташаббусни сақлаб қолишимизга ишонгандим. Биз жуда яхши ўйнадик ва муваффақият учун зарур бўлган ҳамма нарсани кўрсатдик», - дея Купернинг сўзларидан иқтибос келтиради BBC Sport.
