Лондон Олимпиадаси аёллар ўртасида 67 кг.гача вазнда таэквондо мусобақаларида баҳсларга киришган ҳамюртимиз Наталья Маматова илк баҳсдаёқ кучли рақибига, франциялик Анна Каролин Граффга имкониятни бой берди.
Бугунги рақиб амалдаги жаҳон чемпиони ва ўз вазнида айни пайтда тенгсиз бўлиб турганлигини ҳам инобатга олиш лозим.
Шундай бўлсада, Маматова деярли учинчи раунд охиригача муносиб беллашди. Фақат раунд охирларидагина кўпроқ зарба ўтказиб юборди ва мағлуб бўлди.
Даровоқе, ушбу мағлубиятга қарамай, Натаья Маматова ҳали расман мусобақа билан хайрлашгани йўқ. Агарда, унинг бугунги рақиби ҳисобланган франциялик таэквондочи финал йўланмасини қўлга киритса, ҳамюртимизда бронза медали учун баҳсларга киришиш имкони туғилади.
