"Реал Мадрид" келаси ёзда ҳимоя қанотларини кучайтириш ниятида. Журналист Аранка Родригеснинг сўзларига кўра, “қироллик клуби” раҳбарияти бу позицияларни чиндан ҳам кучайтириш керак, деб ҳисобламоқда.

Аввалроқ, Ферлан Мендининг сотилиши эҳтимоли ҳақида миш-мишлар тарқалган эди. "Реал Мадрид" аллақачон узоқ йиллар давомида ўз позициясини ёпадиган ёш ва истиқболли ҳимоячиларни қидирмоқда.

Бир неча кун олдин "қаймоқранглилар" "Бавария"дан Алфонсо Девисга қизиқиш билдираётгани ҳақида маълумот пайдо бўлганди, аммо немис жамоаси ўз иқтидори билан осонликча хайрлашмоқчи эмас.