“Насаф” футбол клуби ташаббуси билан жамоамизнинг бир гуруҳ кўпйиллик ашаддий мухлислари тақдирланишди.
Иккинчи давранинг “Насаф”-“Бухоро” учрашуви танаффуси вақтида жамоанинг 10 нафар ашаддий ишқибозига футболчилар дастхати туширилган футбол тўпи ва бошқа совғалар тақдим этилди.
Жамоамиз фан-клуби ташаббуси билан эндиликда “Насаф” иштирокида Қаршида ўтадиган ҳар бир учрашувда энг зукко ва фаол мухлислар қимматбаҳо совғаларга эга бўлишади. Бунинг учун улар махсус танловда қатнашиб, саволларга тўғри жавоб беришса кифоя.
-Бу тадбирни ўтказишдан мақсад жамоамиз мухлисларимиз сонини кўпайтириш, улар орасидан энг зукко ва жонкуярларини аниқлаш, -дейди “Насаф” фан-клуби етакчиси Ўктам Узоқов.
“Энг фаол мухлис” танлови ва унда иштирок этиш тартиби ҳақида кейинроқ батафсил маълумот берамиз.
Сардор Нуров олган суратлар
