"Бенфика" бош мураббийи Рожер Шмидт "Челси" раҳбариятини ҳурматсизликда айблади. Мутахассис "кўклар" вакилларининг ярим ҳимоячи Энцо Фернандеснинг трансфери борасидаги музокараларда ўзини тутишидан норози.

"Энцони сотиб олмоқчи бўлган клуб бор. Улар футболчини сотмоқчи эмаслигимизни билишади, лекин барибир уни қўлга киритишга ҳаракат қилишади. Менимча, улар томонидан биринчи навбатда товон миқдори бўйича сотиб олиш ҳақида гапириш, кейин эса музокара қилиш истагини билдириш жуда ҳурматсизлик ва қабул қилиниши мумкин эмас. Бу футболчини ақлдан оздиради" - деди Шмидт матбуот анжуманида.

Эслатиб ўтамиз, 21 ёшли Фернандеснинг "Бенфика" билан шартномасидаги товон пули 120 миллион еврони ташкил қилади.