"ПСЖ" бош мураббийи Кристоф Галтье жамоага қайтган Лионель Мессининг Франция чемпионатининг навбатдаги турида "Анже"га қарши бўлиб ўтадиган ўйинида майдонга тушишига умид қилмоқда.
"Месси Франция кубогида ўйнамайди, чунки у учун ҳали эрта. Умид қиламизки, у "Анже"га қарши ўйинда иштирок эта олади", - деди Галтье матбуот анжуманида.
Эслатиб ўтамиз, Месси Аргентина терма жамоаси билан жаҳон чемпионатида ғолиб чиққанидан сўнг яқинда "ПСЖ"га қайтган эди. Яқин орада парижликлар ўз юлдузи билан янги шартнома имзолаганини эълон қилишлари мумкин.
Ҳозир Лионель Лига 1да 7 гол ва 10 голли узатмага эга.
