"Манчестер Юнайтед" бош мураббийи Эрик тен Хаг "Кристал Пэлас" дарвозабони Жек Батленд жамоага келишини тасдиқлади.
Олдинроқ "қизил иблислар" 29 ёшли англияликни захира дарвозабони сифатида қўшиб олмоқчи экани хабар қилинганди.
"Ньюкасл" "Манчестер Юнайтед"га ижарага берилган Мартин Дубравкани қайтариб олди. У тен Хаг жамоасида икки ўйинда иштирок этди.
"Дубравка "Ньюкасл"га қайтиб кетди, энди бизга тажрибали дарвозабон керак. Бизда ёш футболчилар бор ва улар яхши ҳаракат қилишяпти, лекин бизда шунчалик кўп ўйинлар борки, машғулотларда бизга учта яхши дарвозабон керак. Батленд жамоамизга нима олиб келиши мумкин? Мен Де Хеадан жуда хурсандман, бу аниқ, у бизнинг 1-рақамимиз, у жуда яхши ўйинчи. Аммо шуни таъкидламоқчиманки, у билан ҳар доим нимадир содир бўлиши мумкин ва сиз бунга тайёр бўлишингиз керак", - деди тен Хаг.
29 ёшли Батленд “Кристал Пэлас”да 2020 йил октябрь ойидан бери тўп суради. Жорий мавсумда дарвозабон расмий учрашувларда қатнашмади.