Инсайдер Фабрицио Романонинг айтишича, "Бавария" ҳимоячи Дейли Блинд билан шартнома имзолаш бўйича барча ҳужжатларни тайёрлаб қўйган.
Шартнома олти ойга мўлжалланган, аммо автоматик равишда узайтириш вариантини назарда тутмайди. Эртага 32 ёшли футболчи тиббий кўрикдан ўтади.
6 ой давомида нидерландиялик футболчи 2-2,5 миллион евро ишлаб олади.
Bayern & Germany журналист Флориан Плеттенбергга таяниб, "Бавария" Блинднинг кучли томонларига қойил қолганини қўшимча қилди. Хусусан, унинг серқирралиги, тажрибаси, немис тилини билиши ва етакчилик фазилатлари қайд этилган.
Шунингдек, футболчининг "Аякс" билан шартномаси бекор қилинганидан кейин олган эркин агент мақоми ҳам муҳим роль ўйнади.
Клуб Дейлини Альфонсо Дэвис дам олиш керак бўлганда унинг ўринбосари сифатида кўради.