Жек Грилиш "Манчестер Сити"нинг Премьер-лигада "Челси" устидан қозонилган ғалабасини (1:0) юқори баҳолади.

Бу ўйинда "шаҳарликлар" вингери голли узатмани амалга оширди.

"Қийин ўйин. "Челси" ажойиб ўйнади, айниқса биринчи бўлимда.

Гол урганимиздан сўнг рақиб ўз дарвозасига қамалди. Уч очко билан кетганимиздан хурсандман, чунки бу ерда ўйнаш қанчалик қийинлигини биламиз.

Танаффус пайтида мураббий ниманидир ўзгартирди ва бизга кўрсатмалар берди. Менга тажовузкор ва кенг ўйнашни, Аспиликуэтага босим ўтказишни айтишди.

Майдонга чиқдик ва 25-30 дақиқа устунлик қилдик, вазиятлар яратдик. Гол урганимиздан сўнг, ўйлайманки, биз ўйинни назорат қила олдик”, - деди Грилиш.