"Бавария" ярим ҳимоячиси Леон Горецка жамоадошларига ФИФАнинг камалак рангли сардорлик боғичларини тақишни тақиқлаганига қарши норозилик билдиришни маслаҳат бергани маълум бўлди.
Мундиалнинг 1-туридан ўрин олган Японияга қарши ўйин бошланишидан олдин (1:2) "Бундестим" футболчилари камалак рангидаги сардорлик боғичини тақиш тақиқланганига норозилик сифатида умумий суратда оғзини қўллари билан ёпди.
Ўйинчиларининг ҳаммаси ҳам ушбу акцияда иштирок этишни хоҳламади, бу эса кийиниш хонасида муҳитни бузилиишига олиб келди. Бу ҳақда тўғридан-тўғри терма жамоа директори Оливер Бирхофф айтиб ўтди.
Kicker нашри хабарига кўра, бу ҳаракат "Бавария" ярим ҳимоячиси Леон Горецка томонидан бошланган. Хабар қилинишича, футболчи ва унинг PR-менежери норозилик намойишининг асосий ҳаракатлантирувчи кучи бўлган.
