"Шахтёр" Англия Премьер-лигасининг топ-клублари даъво қилаётган жамоа етакчиси Михайло Мудрикнинг имкониятларини юқори баҳолайди. Бу ҳақда жамоа вакили Карло Николини айтиб ўтди.
“Бизда Михаилнинг трансферига шошилинч эҳтиёж йўқ. Биз уни, масалан, "МЮ"даги Антонидан анча юқори баҳолаймиз. Демак, бу трансфердан қанча даромад олишни режалаштираётганимизни тахмин қилишингиз мумкин", - деди Николини.
Аввалроқ, 22 ёшли украиналик футболчига "Арсенал" ва "Челси" даъво қилаётгани ҳақида хабар берилганди. "Канонирлар" футболчи учун тахминан 70 миллион евро таклиф қилишган.
