Франциянинг афсонавий ҳужумчиси, ҳозирда мураббий бўлиб ишлаётган Тьерри Анри Бельгия терма жамоасининг янги мураббийи бўлмоқчи. Бу ҳақда HLN нашри хабар бермоқда.
Манбанинг хабарига кўра, мутахассис аллақачон Бельгия футбол федерацияси раҳбариятини терма жамоани бошқаришга тайёр эканлиги ҳақида хабардор қилган.
Эслатиб ўтамиз, Тьерри бунгача терма жамоанинг собиқ бош мураббийи Роберто Мартинеснинг ёрдамчиси бўлиб ишлаган. Испаниялик мутахассис Қатарда бўлиб ўтган ЖЧ-2022даги муваффақиятсиз ўйинидан сўнг ишдан бўшатилди.
Анри клуб даражасида бош мураббий сифатида тажрибага эга. Франциялик мутахассис “Монако” ва “Монреаль” клубларини бошқарган.
