Fransiyaning afsonaviy hujumchisi, hozirda murabbiy bo‘lib ishlayotgan Tyerri Anri Belgiya terma jamoasining yangi murabbiyi bo‘lmoqchi. Bu haqda HLN nashri xabar bermoqda.
Manbaning xabariga ko‘ra, mutaxassis allaqachon Belgiya futbol federasiyasi rahbariyatini terma jamoani boshqarishga tayyor ekanligi haqida xabardor qilgan.
Eslatib o‘tamiz, Tyerri bungacha terma jamoaning sobiq bosh murabbiyi Roberto Martinesning yordamchisi bo‘lib ishlagan. Ispaniyalik mutaxassis Qatarda bo‘lib o‘tgan JCH-2022dagi muvaffaqiyatsiz o‘yinidan so‘ng ishdan bo‘shatildi.
Anri klub darajasida bosh murabbiy sifatida tajribaga ega. Fransiyalik mutaxassis “Monako” va “Monreal” klublarini boshqargan.
