"Челси" тез орада ярим ҳимоячиси Нголо Канте билан шартномани узайтириши мумкин. Журналист Саймон Филлипснинг сўзларига кўра, "лондонликлар" франциялик футболчи билан янги шартнома борасида келишиб олишга яқин турибди.
Канте "Челси"да қолишни истайди ва жамоада ўйнашда давом этиш учун муросага тайёр. Эслатиб ўтамиз, август ойида олган жароҳати туфайли ярим ҳимоячи фақат март ойида сафга қайтиши мумкин.
Аввалроқ, Кантега ёзда французни текинга олмоқчи бўлган "Барселона"дан қизиқиш борлиги ҳақида миш-мишлар тарқалган эди. Бироқ ярим ҳимоячи энди “Челси”да қолишга қарор қилди.
