Ўзбекистон футбол ассосиасияси биринчи висе-президенти Равшан Ирматов ва "Локомотив" футбол клуби бош директори Тўлабек Акромов ҳамда бир қатор футбол мутахассислари Хоразм вилоятига ташриф буюришди.

Ташриф аввалида Хоразм вилояти ҳокими Жўрабек Рахимов билан учрашиб, Хоразм футболи инфраструктурасини 2023-2025 йиллар давомида шакллантирган ҳолда Тошкент шаҳрининг “Локомотив” жамоаси билан ҳамкорлик қилишга келишиб олинди. Шунингдек, вилоятнинг Бош жамоаси “Хоразм” футбол клубининг келажакдаги истиқболлари ва мақсадлари муҳокама қилинди.

Мутасаддилар шундан сўнг Хоразм спорт мажмуаси бўлиб, футбол академиясида яратилган шароитлар, вилоят футбол ассосиасиясида олиб борилаётган ишлар ҳамда Хоразм футбол клубининг бутун тизими билан яқиндан танишдилар. Хоразм футболида олиб борилаётган ишларга юқори баҳо бериб ўтишди.