Бразилия терма жамоасининг собиқ бош мураббийи Луис Фелипе Сколари терма жамоани ким бошқариши кераклиги ҳақида ўз фикрларини билдирди.
"Яхши ишлашга ва ўзини кўрсатишга тайёр бўлган мураббий терма жамоани бошқара олади. Ҳамма билиши учун ўз фикримни билдирмоқчиман. Бразилияда кўплаб мураббийлар алмаштирилган. Биз Бразилия Футбол Конфедерациясининг у ёки бу вариантни танлашига тўсқинлик қила олмаймиз. Агар у яхши бўлса, миллатидан қатъий назар, келсин", - деди Сколари Record билан суҳбатда.
Эслатиб ўтамиз, ЖЧ-2022даги муваффақиятсизликдан сўнг Бразилия терма жамоаси бош мураббийи Тите ўз лавозимини тарк этганди.
Луиз Фелипе Сколари терма жамоани 2002 йилда Жаҳон чемпионати ва 2013 йилги Конфедерациялар кубоги ғолиблигига олиб келганди.
