Хорватия ва Загребнинг "Динамо" клуби ҳужумчиси Мислав Оршич "Саутгемптон"га ўтди.
Клуб матбуот хизматининг хабарига кўра, 30 ёшли вингер "авлиёлар" билан 2,5 йиллик шартнома имзолади.
2022/23 йилги мавсумда Оршич “Динамо” сафида барча мусобақаларда 27 та ўйинда майдонга тушиб, 13 та гол урди ва 8 та голли узатмани амалга оширди.
Шунингдек, у Хорватия терма жамоаси таркибида ЖЧ-2022 бронза медали совриндорига айланди.