Франкфуртнинг “Айнтрахт” клуби ҳужумчиси Рандал Коло-Муани қишки трансфер ойнасида жамоани тарк этиш ниятида эмас.
24 ёшли ҳужумчига АПЛнинг кўплаб клублари, жумладан, "Манчестер Юнайтед" ва "Челси" қизиқиш билдирмоқда, бироқ футболчининг ўзи жорий мавсумни ҳозирги клуби "Айнтрахт Франкфурт"да якунламоқчи.
Ёзда эса француз футболчиси фаолиятини бошқа жамоада давом эттириш имкониятларини баҳолайди.
Муани жорий мавсум чемпионатда 14 та ўйинда майдонга тушиб, 5 та гол урди ва 10 та голли узатмани амалга оширди.
Франция терма жамоаси таркибида 2022 йилги жаҳон чемпионатининг кумуш медали соҳибига айланди. Қатардаги турнирда ҳужумчи 3та ўйин ўтказиб, 1та гол ва 1та голга ассистентлик қилган.
