“Манчестер Юнайтед” барча мусобақаларда ғалабали сериясини еттита ўйинга етказди.

Бош мураббий Эрик тен Хаг шогирдлари Англия кубогининг учинчи босқичида “Эвертон”ни 3:1 ҳисобида мағлуб этишди.

"Манчестер Юнайтед" 12 карра Англия кубоги соҳиби. Жамоа охирги марта кубокни 2016 йилда қўлга киритган эди. "Эвертон" беш марта турнирда ғалаба қозонган. "Ирислар"нинг Англия кубогидаги сўнгги муваффақияти 1995 йилга тўғри келади.

Манкунианликлар 10 ноябрдан бери расмий ўйинларда мағлуб бўлмаяпти – ўшанда уларнинг ҳозирги ғалабалар серияси бошланганди.

Ўшандан бери "Манчестер Юнайтед" "Астон Вилла" (4:2), "Фулхэм" (2:1), "Бёрнли" (2:0), "Ноттингем Форест" (3:0), "Вулверхэмптон" (1:0), "Борнмут" (3:0) ва "Эвертон" (3:1) клубларини мағлуб этган.

Жамоа навбатдаги ўйинни 10 январь куни Англия лига кубоги 1/4 финалида "Чарльтон"га қарши ўтказади.

14 январь куни “Манчестер Юнайтед” АПЛ доирасида “Манчестер Сити”га қарши баҳс олиб боради.