"Вильярреал" бош мураббийи Кике Сетьен "ПСЖ" ва Аргентина терма жамоаси ҳужумчиси Лионель Мессини жаҳон чемпионати олтин медалисиз ҳам тарихдаги энг яхши футболчи деб билишини айтди.

“Албатта, Месси учун хурсандман. 2022 йилги жаҳон чемпионатида ғолиб чиққани адолатдан. Аргентина энг жипслашган жамоа эди, айниқса финалда улар бошқаларга қараганда кўпроқ ҳаракат қилишди.

Бу ғалаба Аргентина ва Месси учун жуда муҳим. Гарчи уни тарихдаги энг зўр деб ҳисоблашим учун жаҳон чемпионатида ғалаба қозониши менга керак эмас эди. Мен бунга аминман ва буни кўп марта айтганман. У 15 йил кетма-кет 40 та гол урди", - дея Сетьеннинг сўзларидан иқтибос келтиради Cadena SER.