"Аякс" бош мураббийи Альфред Шрёдер ярим ҳимоячи Хаким Зиешнинг жамоага қайтиши мумкинлиги ҳақидаги миш-мишларга изоҳ берди.
Эслатиб ўтамиз, "Челси"нинг марокашлик ярим ҳимоячиси ёзда Амстердамга қайтиши мумкин эди. У "МЮ"га ўтган Антонига ўринбосар сифатида кўрилаётган эди, аммо "Аякс" керакли миқдорда товон тўламаганди.
"Ўйлашимча, Зиеш бу трансфер ойнасида бизга қўшилмайди. Ҳужумда ўйинчиларимиз етарли. Хакимга катта пул керак, шунинг учун у трансфер бозоридаги асосий мақсадимиз эмас", - деди Шрёдер матбуот анжуманида.
Эслатиб ўтамиз, Зиешга аввалроқ Италия чемпиони "Милан" ҳам қизиқаётган эди. Футболчи аввалроқ қишда "Челси"ни тарк этишини истисно қилмаганди.
