"Барселона" бош мураббийи Хави Эрнандес "Реал Сосьедад" ярим ҳимоячиси Мартин Субимендини ёзда жамоасига ўтишини истамоқда. Sport.es хабарига кўра, "кўк-анорранглилар" устози 23 ёшли испаниялик футболчининг трансфери 60 миллион евро бўлганлиги сабабли амалга ошириш қийин бўлишини тушунади.
Агар Субименди "Барселона"га ўтмаса, Хави шошилинч трансферларни амалга оширмасликни афзал кўради. Мавсум охирида Серхио Бускетс кетса, жамоа устози унинг ўрнини Френки де Йонг эгаллайди, деб ҳисобламоқда.
Субименди жорий мавсумда Ла Лигада 1 та гол урди ва 2 та голли узатмани амалга оширди.
