"Рома" ярим ҳимоячиси Николо Дзаньоло бир вақтнинг ўзида Европанинг бир қанча топ-клублари қизиқишлари доирасида. Бу ҳақда La Gazzetta dello Sport хабар бермоқда.
Манбага кўра, 23 ёшли футболчини "Боруссия", "Атлетико" ва "Милан" клублари трансфер қилмоқчи. Агар Николо "бўрилар" билан янги шартнома борасида рози бўлмаса, мавсум охирида клубини ўзгартириши мумкин. Унинг амалдаги шартномаси 2024 йилнинг ёзида якунига етади.
Дзаньолонинг трансфер нархи 30 миллион евро. У 2018 йилнинг ёзидан буён "Рома"да ўйнамоқда.
Ярим ҳимоячи жорий мавсум А Сериянинг 12 та ўйинида майдонга тушиб, 1 та гол урди ва 3 та сариқ карточка олди.
