"Roma" yarim himoyachisi Nikolo Dzanyolo bir vaqtning o‘zida Yevropaning bir qancha top-klublari qiziqishlari doirasida. Bu haqda La Gazzetta dello Sport xabar bermoqda.
Manbaga ko‘ra, 23 yoshli futbolchini "Borussiya", "Atletiko" va "Milan" klublari transfer qilmoqchi. Agar Nikolo "bo‘rilar" bilan yangi shartnoma borasida rozi bo‘lmasa, mavsum oxirida klubini o‘zgartirishi mumkin. Uning amaldagi shartnomasi 2024 yilning yozida yakuniga yetadi.
Dzanyoloning transfer narxi 30 million yevro. U 2018 yilning yozidan buyon "Roma"da o‘ynamoqda.
Yarim himoyachi joriy mavsum A Seriyaning 12 ta o‘yinida maydonga tushib, 1 ta gol urdi va 3 ta sariq kartochka oldi.