"Челси"га янги келган Бенау Бадиашиле бош мураббий Грэм Поттер билан ишлашни интиқлик билан кутмоқда.
Эслатиб ўтамиз, марказий ҳимоячи "кўклар" сафига "Монако"дан 40 миллион евро эвазига ўтди.
"Поттер - ўз жамоасида тўпга эгалик қилишни ва уни майдон бўйлаб тез ҳаракатлантиришни яхши кўрадиган мураббий. Бу услуб менга жуда мос келади. Мен Поттер билан ишлаш имкониятига эга бўлганимдан жуда фахрланаман", - деди Бадиашиле "Челси" расмий сайтига.
Бадиашиле "кўклар" сафидаги дебютини 12 январь куни ўтказиши мумкин, ўшанда жамоа Англия Премьер-лигасида "Фулхэм" билан сафарда ўйнайди.
