"Манчестер Сити" бош мураббийи Хосеп Гвардиола аввалроқ ЖЧдан ортиқча вазн билан қайтгани сабабли, ярим ҳимоячи Калвин Филлипс "шаҳарликлар"нинг бир нечта учрашувларини ўтказиб юборгани ҳақида гапирди.
"Ўтган ҳафта мен Филлипснинг формасига қайтганини англадим. Умид қиламанки, бу унинг келажаги учун яхши сабоқ бўлади. Менимча, футболчи йил давомида мукаммал формада бўлиши керак. Ҳатто байрам пайтида ҳам", - деди Гвардиола матбуот анжуманида.
Филлипс шу ёзда "Лидс"дан "Манчестер Сити"га кўчиб ўтди, бироқ ҳамон Хосеп Гвардиоланинг асосий жамоасида ўз ўрнига эга бўла олмади.
