"Барселона" бош мураббийи Хави Испания кубогининг 1/8 финал босқичига қуръа ташлаш натижалари ҳақида фикр билдирди.
"Барселона"га мураббий бўлганимдан бери биринчи марта қуръа ташлашда омадимиз келди. Лекин буни майдонда исботлаш керак. Биз қоғозда кучлироқмиз, лекин бу фақат қоғозда. Бизни кучсиз рақиблар мағлуб этишди. Олдинга бориш учун ажойиб ўйин кўрсатиш керак", - дея Хави сўзларини келтиради Mundo Deportivo.
Испания кубоги 1/8 финали доирасида "Барселона" "Сеута" билан учрашади. Учрашув 19 январь куни бўлиб ўтади. Бошланиш Тошкент вақти билан 01:00 да.
Аввалроқ, футбол бўйича Испания кубогининг 1/8 финал босқичига қуръа ташлаш натижалари маълум бўлганди.
