"Ювентус" чап қанот ҳимоячиси Жорди Альбани "Барселона"дан ижарага олишни кўриб чиқмоқда. Бу ҳақда Sport.es нашри хабар бермоқда. Манбага кўра, Турин клуби 33 ёшли футболчининг маошининг катта қисмини тўлашга тайёр.
Аввалроқ, 33 ёшли Альба ўз позициясида Алекс Бальдега ютқазганига қарамай, "Барселона"ни тарк этиш ниятида эмаслиги ҳақида хабар берилганди. Маълум қилинишича, клуб Альбани ҳеч бўлмаганда шартнома охиригача (2024 йил ёзи) ўз сафида олиб қолмоқчи.
Эслатиб ўтамиз, Альба "Барселона" тарбияланувчиси ҳисобланади. У 2012 йилда жамоага қайтди ва 442 учрашувда майдонга тушиб, 25 гол ва 95 голга ассистентлик қилди. "Барселона" билан биргаликда ҳимоячи 15 та совринни қўлга киритди.
