Мадриднинг “Реал” клуби бош мураббийи Карло Анчелотти Ла Лиганинг 16-туридан ўрин олган “Вильярреал”га қарши ўйинда жамоаси 1:2 ҳисобида мағлуб бўлган учрашувни сарҳисоб қилди.
“Бу савияли ва рақобатбардош ўйин бўлди, лекин улар юқори савияда намойиш этди, биз эса аксинча. Биз назоратни йўқотдик ва бу муаммони ҳал қилишга эътибор қаратишимиз керак. Ҳимоямиз унчалик яхши эмасди, бунинг устида ишлаймиз.
Пенальтилар? Низомга кўра, иккала вазият ҳам жарима ҳисобланади. Биз футболда ишлаётган инсонлар бунга кўникишимиз керак.
Ўтган йилгидек, биз жуда яхши бошламадик, аммо Суперкубокга эътибор қаратиш вақти келди", - дея Анчелотти сўзларини келтиради Mundo Deportivo.
