«Манчестер Юнайтед» бош мураббийи Эрик тен Хаг жамоага бошқа ҳужумчи кераклигини айтиб ўтди.

– Жамоа натижалари Рэшфордга ҳаддан ташқари боғлиқ бўлиб қолмаяптими?
– Бунга сабаб бор. Антони Марсиал жисмоний юкламаларни кўтара олмаяпти ва ҳар ўйинда уни захирага олишга тўғри келмоқда. Шунинг учун бошқа ҳужумчи қидиряпмиз.

Гап Рэшфордга ҳаддан ташқари таяниб қолганимизда эмас. Ҳозир юкламалар у қадар юқори эмас. Шунинг учун у ҳар уч кунда 90 дақиқадан ўйнай олиши мумкин. Биз биргаликда вазиятни назорат қиляпмиз.

Бу нозик чегара. Ахир Антони Марсьялнинг даражаси айни пайтда биз учун муҳим аҳамиятга эга. Унинг ҳаракатлари, тўпни сақлай олиш хусусияти ва прессингда ишлаши — буларни унутмаймиз. Ҳужумларимиз хавфли бўлиши учун бизга яна битта шундай форвард керак.

Маркус Рэшфорд эса бундай фойда чиқара оляпти. Голларни фақат Маркус ураётгани мени хавотирга солмайди. Ишончим комил, бошқалар ҳам гол уради. Марсиал Кубок баҳсида гол урди, Бруну Фернандеш гол уришга қодир,. Кристиан Эриксен вазиятлар яратмоқда, у ҳам гол ура олиши мумкин. Шундай экан, савимизда гол уришга қодир бўлган ўйинчилар ҳам бор.