"Арсенал" январь ойида "Шахтёр"дан Михаило Мудрикни сотиб олишига ишончи комил.
Бу ҳақда журналист Фабрицио Романо хабар берди.
“Албатта, “Арсенал” ва Артета бунга амин. Аммо "Шахтёр" билан келишув энг муҳим дақиқа. Август ойида "Шахтёр" жиддий музокаралар олиб борди ва Мудрикни "Эвертон"га 30 миллион эврога сотишдан бош тортди, гарчи ўша пайтда бу ажойиб таклифдек туюлган бўлса ҳам.
Ҳозирча музокаралар учун муддатлар белгиланмаган. Улар давом этади”, деб ёзади Романо.
Аввалроқ, "Шахтёр" "Арсенал"нинг Мудрик бўйича иккита таклифини рад этганди - 40+20 миллион евро ва 70 миллион евро.
Ушбу мавсумда вингер АПЛда 12 та ўйинда майдонга тушиб, 7 та гол урди ва 7 та голли узатмани амалга оширди. Шунингдек, у Чемпионлар лигасининг 6 ўйинида 3 та гол урди ва 2 та голли узатмани амалга оширди.
