"Челси" "Боруссия М" ҳужумчиси Маркус Тюрамни қўлга киритиш борасида музокаралар олиб бормоқда.
Daily Mail хабарига кўра, Лондон клуби яқинда гладбахликлар билан шартномаси 2023 йилнинг ёзига қадар мўлжалланган франциялик ҳужумчининг атрофидагилар билан боғланган.
Тюрамга аллақачон бир қанча клублар қизиқиш билдирмоқда, бироқ у ёзгача “Боруссия”да қолиши ва клубни текинга тарк этиши мумкин.
"Челси" қишда Тюрам ва "Боруссия" клубларини трансфер қилишга кўндира оладими ёки йўқми, номаълум. Қайд этилишича, мураббий Грэм Поттер ҳужумни янгиламоқчи.
Бундан ташқари, Лондон клуби "Ницца" ярим ҳимоячиси, Маркуснинг укаси Кефрен Тюрамга ҳам қизиқиш билдирмоқда. "Аристократлар" уни "Бенфика"дан трансфери муваффақиятсизликка учраган Энцо Фернандесга муқобил сифатида кўришмоқда.
