"Аталанта" бош мураббийи Жан Пьеро Гасперини Руслан Малиновский "Марсель"га ўтишга яқин эканлигини тасдиқлади.
"Футболчи ва "Марсель" ўртасида музокаралар давом этмоқда, шартнома қачон ёпилиши мумкинлигини билмайман. У жамоа учун муҳим эди, бу мавсумда у кўп ўйин ўтказди, аммо унинг ўрнини Адемола Лукман эгаллади. Малиновский клубни тарк этса, бошқа ўйинчи сотиб олишни режалаштирмаяпмиз", - дея Гасперинининг сўзларини келтиради Football Italia.
У 2019 йилда “Аталанта” футболчисига айланди. Ўтган мавсумда Малиновский "Аталанта" сафида барча мусобақаларда 41 та ўйин ўтказиб, 10 та гол урди ва 7 та голли узатмани амалга оширди. Унинг трансфер нархи 18 миллион евро.
