Австриялик "Реал" ҳимоячиси Давид Алабанинг фикрича, ярим ҳимоячи Тони Кроос тез орада Мадрид клуби билан шартномани узайтиради.
“Умид қиламизки, Кроос янги шартнома имзолайди. Фаолияти давомида у футбол майдонида яна кўп километрларни босиб ўтишига ишонмоқчиман. У биз учун майдонда ҳам, майдон ташқарисида ҳам муҳим. Унинг танкида ҳали кўп бензин бор. Умид қиламанки, у янги шартнома имзолайди", - дея футболчининг сўзларини келтиради BILD.
6 январ куни Кроос "Реал" сафида яна бир мавсум ўтказишга тайёрлиги хабар қилинганди.
Футболчи Мадрид клубида 2014 йилдан буён ўйнаб келмоқда. "Реал Мадрид" билан биргаликда у 18 та совринни қўлга киритди.
Испания чемпионатининг жорий мавсумида ярим ҳимоячи 11 та ўйин ўтказиб, 1 та гол ва 2 та голли узатмани амалга оширди.
